Kryetarja e LSI, Monika Kryemadhi ka qenë shumë e sinqertë sot gjatë mbledhjes së Komitetit Drejtues të Lëvizjes Rinore për Integrim (LRI) kur ka deklaruar se “shumë shpejt vendi do të shkojë në zgjedhje të parakohëshme”. Kjo deklaratë ka ardhur ndërkohë që në mbledhjen e Këshillit të Mandateve dhe Imuniteteve në Kuvendin e Shqipërisë, zhvillohej seanca për shqyrtimin e kërkesës së Prokurorisë së Krimeve të Rënda për ti hapur rrugë ose jo një arrestimi të mundshëm të Saimir Tahirit. Ish ministri i Brendshëm nuk ka ngurruar dy ditë më parë në emisionin “Opinion” të Fevziut në Tv “Klan” që të deklaronte disa herë se Ilir Meta, bashkëshorti President i Monika Kryemadhit, është armiku i tij dhe ai kishte zgjedhur të mos e bënte mik p[or ta kishte përballë. Me anë të kësaj deklarate, ai la të kuptohej se sulmi që prokuroria ka ndërmarrë kundër tij për ta akuzuar si bashkëpunëtor të bandës së Habilajve të Vlorës të arrestuar për trafik droge e armësh në Itali, është e motivuar politikisht në këtë linjë.
Kryemadhi tha se Edi Rama duhet të largohet si Kryeministër i Shqipërisë për ti hapur rrugën një lideri të pa kapur nga krimi. Saimir Tahiri deklaroi në “Opinion”, se kjo është Shqipëria një vend ku një politikan kapet me zë e me figurë me bllok në dorë duke mbledhur 7 përqindshat dhe bëhet President i Shqipërisë, ndërsa ai po kërkohet që të arrestohet sepse dy kriminelë i kanë përmendur emrin në telefon, gjatë një bisede të përgjuar nga autoritetet italiane.
Alpenews.al