Ish-ministri i Drejtësisë, Ylli Manjani ka komentuar vendimin e opozitës për t’u kthyer në Kuvend ditën e enjte dhe të premte. Përmes një postimi në ‘Facebook’, Manjani, që vjen nga radhët e LSI-së, ka ironizuar vendimin në fjalë, ndërsa shton se opozita do të rrijë në Kuvend edhe ditët e festave.
“Opozita do hyjë në Kuvend të enjten dhe të premten. Biles edhe të shtunën, të dielën e ditët e festave aty do rrijë..😂”, shkruan Manjani. Kujtojmë se ky vendim i opozitës erdhi pas mbledhjes që kryetari i Partisë Demokratike Lulzim Basha bëri dje me aleatët.
Në mbledhjen që zgjati rreth dy orë mori pjesë kryetarja e LSI, Monika Kryemadhi, kreu i republikaneve Fatmir Mediu, Nard Ndoka, kreu i PAA Agron Duka, kreu i LZHK Dashamir Shehi.
