Michelle Hunziker flet për herë të parë për periudhën e errët të jetës së saj, kohë kur moderatorja ka qenë pjesë e një sekti. Në një intervistë, e cila do të transmetohet në televizionet italiane më 4 nëntor, Michelle për herë të parë ka folur pa doreza për jetën dhe ndarjen nga bashkëshorti i saj, Eros Ramazzoti.
“Më thanë që bashkëshorti im ndikonte negativisht tek unë, por unë e doja shumë atë. Kur Eros më vuri përballë një zgjedhje ose me ata ose me mua, unë zgjodha ata. Hyra në këtë sekt pa e kuptuar as vetë sesi.
Për të më kontrolluar sa më mirë më larguan nga njerëzit e dashur. Më përgjonin telefonatat, nuk mund të flisja as me nënën time, të cilën nuk e takova për katër vjet. Prezantuesja zviceriane tregon dhe për rregullat e ashpra dhe ndëshkimet që kishte në atë sekt, ku ajo kishte hyrë.
“Më ndëshkonin, më linin vetëm. Më ulnin vetëvlerësimin dhë më thonin që nuk kisha talent. Më thonin që suksesi im ishte falë hyrjes simë në këtë rrugë shpirtërore.
U largova nga agjencia ime dhe më bindën që të hapja një kompani të re, të financuar e gjitha nga unë. Domethënë paguaja dhe ushqeja të gjithë sektin. Arritën deri atje sa më bindën t’i jepja të gjitha aksionet e mia atyre”- ka thënë Michelle Hunziker.
Ato tregon dhe për vendimin që mori për t’u larguar nga sekti. “Clelia më tha së në qoftë se do të largohesha do të vdisja”. Për rrëfimin e plotë të 40-vjecares duhet të presim intervistën më 4 nëntor në “Verissimo”.
Michelle Hunziker dhe Eros Ramazzoti u martuan në vitin 1998 dhe u divorcuan në vitin 2009. Ata kanë edhe një vajzë Aurorën, 21 vjeçe.
/AlpeNews.al/
