Partia Socialiste mbledh sot një nga forumet e saj kryesore drejtuese. Në orën 18.30 në selinë e kësaj partie, nën drejtimin e Kryeministrit Edi Rama, do të zhvillohet mbledhja e Kryesisë së kësaj partie. Lajmi konfirmohet për mediat, nga burime të kësaj partie. Nuk dihet me saktësi axhenda e kësaj mbledhje, por pritet që ajo të ketë lidhje me fillimin e punës për riorganizimin e brendshëm të kësaj partie, për katër vitet e ardhëshme, gjatë kohës që ajo qeveris Shqipërinë në një mandat të dytë.
Një nga pikat e kësaj mbledhje, besohet të jetë raporti për ecurinë e zgjedhjeve të reja në organaizatat e kësaj partie ne bazë, pas analizës që po zhvillohet për rezultatin e zgjedhjeve të 25 qershorit të këtij viti. Siç u njoftua në mbledhjen e fundit të Asamblesë Kombëtare të kësaj partie pak ditë më parë në Hotel Tirana, në të gjitha ato organizata socialiste ku rezultati i arritur ishte më i dbët se në zfgjedhjet e kaluara, pra në qendrat e votimit ku PS nuk doli forcë e parë, do të zgjidhen në krye të tyre drejtues të rinj.
Kjo mbledhje vjen menjëherë pas debatit që shoqëroi në publik, media dhe në Parlament, kërkesën e Prokurorisë së Krimeve të Rënda për ti hapur rrugën një arrestimi të mundshëm të ish ministrit të Brendshëm socialist Saimir Tahiri. Të mërkurën e kaluar, me 75 votat e mazhorancës së majtë Parlamenti e rrëzoi këtë kërkesë. Por, Kryetari i PS Edi Rama, në një takim me Grupin parlamentar, të transmetuar live edhe në televizione e facebook, njoftoi vendimin për ngrirjen e të gjitha funksioneve partiake për Tahirin. Kjo bën që ai të mungojë sot me sa duket, në mbledhjen e Kryesisë së PS. Nuk dihet nëse do të ketë ndonjë diskutim të brendshëm në lidhje me këtë çështje.
Besohet se interesi i mediave do të jetë i madh, pasi mbledhja e sotme e Kryesisë së PS vjen në një moment zhvillimesh të rëndësishme në vend, po të kemi parasysh se dje nisi procesi i vettingut dhe shefi i sherbimit sekret shqiptar Visho Ajazi, dha dorëheqjen.
Alpenews.al