Një skiator kanadez që u zhduk disa ditë më parë në Nju Jork, është gjetur në anën tjetër të Shteteve të Bashkuara, në Kaliforni, dhe askush nuk ia ka idenë sesi ka përfunduar aty.
49-vjeçari Constantinos Filippidis, shtetas kanadez, u zhduk në 7 shkurt gjatë një udhëtimi në malin Ëhiteface.
Të martën në mëngjes ai telefonoi policinë për t’i thënë se ishte shpallur i zhdukur.
Autoritetet në Sacramento shprehen se skiatori beson të ketë pësuar një goditje në kokë gjatë ditëve të fundit, por s’mban mend asgjë nga “udhëtimi” i tij plot 4,800 kilometra larg vendit ku u zhduk.
Kur policia e gjeti, Filippidis ishte i çorientuar dhe konfuz. Ai kishte po të njëjtën veshje; xhaketë dimri, këpucë dhe helmetën e skive.
Ai thotë se mban mend të ketë mbërritur në Kaliforni në rimorkion e një kamioni, por nuk i kujtohet as shoferi as ndonjë detaj tjetër.
Gjatë mbërritjes në Kaliforni 49-vjeçari kishte qethur flokët dhe bleu një iPhone, por nuk di të thotë pse i bëri këto veprime.
Zhdukja e tij dhe shfaqja mijëra kilometra larg vendit ka ngjallur një sërë teorish konspiracioni në rrjetet sociale, ku disa besojnë se mund të jetë teleportuar nga ndonjë alien.
