Presidenti i Republikës së Shqipërisë, Bajram Begaj, zhvilloi një bisedë telefonike me Presidentin e Republikës së Azerbajxhanit, Ilham Aliyev.
Kreu i Shtetit e përgëzoi Presidentin Aliyev për normalizimin e marrëdhënieve midis Azerbajxhanit dhe Armenisë, si dhe për nënshkrimin e deklaratës dhe dokumenteve të tjera të rëndësishme, nën kujdesin e Presidentit të SHBA-ve. Presidenti Begaj vlerësoi veçanërisht vendosmërinë e Presidentit të Azerbajxhanit në këtë proces, si dhe mbështetjen e dhënë nga Presidenti amerikan.
Presidenti Aliyev falënderoi Presidentin Begaj për urimet, duke theksuar se Azerbajxhani e inicioi agjendën e paqes në rajon dhe hartoi tekstin e marrëveshjes së paqes. Gjithashtu, ai nënvizoi rëndësinë e dokumenteve të miratuara në takimin e Uashingtonit për avancimin e kësaj agjende, si dhe rolin e Presidentit të SHBA-ve në mbështetje të saj.
Gjatë bisedës, të dy Presidentët vlerësuan bashkëpunimin e suksesshëm dhe mbështetjen reciproke midis Azerbajxhanit dhe Shqipërisë në kuadër të organizatave ndërkombëtare.
