Ministrja e Drejtësisë Etilda Gjonaj prezantoi sot në Komisionin e Ligjeve projektligjin për Avokatinë. Gjonaj deklaroi se mungesa e avokatëve zvarrit sot shumë procese gjyqësore sensitive me interes publik, ndërsa kërkoi që të ketë një mbikëqyrje shtetërore mbi veprimtarinë e avokatëve.
“Të rishikohet statusi i Dhomës së Avokatisë. Duhet të ketë mbikëqyrje shtetërore. Të rritet roli i ministrisë së Drejtësisë mbi veprimtarinë e avokatisë. Mungesa e avokatëve zvarrit sot shumë procese gjyqësore sensitive me interes publik”, u shpreh ministrja Gjonaj.
“Të rritet roli i Ministrisë së Drejtësisë mbi veprimtarinë e avokatisë. Mungesa e avokatëve zvarrit sot shumë procese gjyqësore sensitive me interes publik”, tha ministrja. Ndërkohë Haxhia nënvizoi faktin se ligji i ri siguron standarde të reja. “Nuk i shmangemi syrit dhe vëmendjes së shtetit ndaj avokatisë. Shteti te mos ngatërrojë syrin dhe vëmendjen me kontrollin ndaj nesh. Po ata që janë të korruptuar e të dënuar? Ne nuk do ti pranojmë, ndaj kemi vënë një pengesë që mos e njollosin profesionin e avokatit”, tha Haxhia.
Sakaq, deputeti i PS-së Bashkim Fino pyeti lidhur me ata avokatë që kanë dalë nga skema për shkak të vettingut.
“Çfarë do ndodhë me ata që kanë ikur apo i kanë nxjerrë jashtë vettingut”, pyeti Fino. Ndërkohë Ulsi Manja tha se: Reforma në drejtësi nuk mund t’i pastrojë. E t’i nxjerrë nga dera dhe avokatet të hyjnë nga penxherja”. Ndërkaq, vet ministrja tha se ka pretendime edhe për korrupsion në radhët e avokatëve, ndërsa shtoi se sistemi duhet të reformohet.
