Minatorët janë ndaluar nga policia për të protestuar para Kryeministrisë. Minatorët e dalë në pension kërkojnë statusin e minatorit të miratohet nga ana e qeverisë.
Sipas tyre bisedat me qeverinë i kanë kaluar të gjitha etapat, dhe sipas tyre ka mbetur protesta për tu dëgjuar fjala e tyre.
Njëri nga minatorët në protestë u shpreh: “Është protestë paqësore. I kemi kaluar të gjitha etapat me qeverinë. Kërkojmë statusin e minaortit. Statusi ende nuk ka amrrë formë ligjore”.
Minatorët në pension kanë paralajmëruar mbajtjen e një proteste përpara Kryeministrisë, për të kërkuar miratimin sa më parë të statusit për minatorët. Ata i bëjnë thirrje të gjithë minatorëve të bashkohen në këtë kauzë.
Nga statusi i minatorit pritet të përfitojnë rreth 6 mijë minatorë të cilët tashmë kanë dalë në pension dhe marrin 16-17 mije lekë, ndërkohë që vuajnë nga një sërë sëmundjesh profesionale.
/AlpeNews.al
