Zhaklina Dhimojani u kthye pas shumë vitesh në një skenë shqiptare. Aktorja e rolit ikonë të Mimoza Llasticës s’kishte humbur asnjë nga llastimet kur u ngjit në skenën e Festivalit të Këngës, për të prezantuar një prej këngëve të gjysmë-finales së dytë.
Drejtuesi i festivalit, Adi Krasta, e komplimentoi për pamjen rinore që ruan edhe sot që është në të 50-tat. Edhe pse prej filmit të saj të fundit, “Babai i studentit”, kanë kaluar thuajse 30 vjet, Dhimojani e ruan sharmin para kameras si të kish lindur për të qenë aty.
Ajo erdhi nga Zvicra për të qenë një prej të ftuarve specialë që prezantojnë këngët gjatë fazës gjysmë-finale të Festivalit të Këngës. Bëri një rrotullim dhe më pas, vuri syzet, që siç duket i mban gjatë punës së saj të përditshme në Bern të Zvicrës, ku jeton me familjen.
Tani, mban mbiemrin e bashkëshortit, Stefan Blattler. Ata kanë bashkë një vajzë 18 vjeçe, Alexandrën.