“Edhe sot edhe do i laj”
Sa herë ia keni thënë këtë të gjorave reçipeta, sa? Betoheni se do i lani, pastaj shkoni i vishni si dreqi edhe për ca ditë të tjera me radhë. Kushti? Mjafton mos vijnë erë.
Labela e buzëve nuk është vetëm për buzët”
Prej shkak të motit keni irritim edhe të hundës. Kështu e lyeni edhe atë me labelë sa për ta zbutur. Të mos flasim pastaj për rastin e labelës me luleshtrydhe. Në mos e keni ngrënë, njëherë e keni lëpirë ta dini ç’shije ka.
“Po më kullojnë”
Nuk ka rëndësi sa e pastër je. Fshirja e hundëve me bluzë, xhup, pulovër lejohet me ligj. Pastaj betohesh se sa të ikësh në shtëpi do ta lash, por aq është. 2 minuta dhe harron ç’thua… deri në fshirjen e radhës.
“Hë se mban dhe një ditë”
Tik tak .. erdhi ora për t’u larë sepse ka shkuar aty ku s’mban më. Por tani që e mendon, dush do të thotë të çohesh, të zhvishesh në gjithë atë të ftohtë e të thash dhëmbët. Jo faleminderit! Pak pudër ose shampo të thatë për flokët e bëjmë si bëjmë dhe një ditë.
“Sot, nesër, 2 javë më pas”
Nëse vera ju gjen kaq shembullore, sa nuk lejoni bluzë t’iu shkojë 1 ditë pa larë, në dimër e shkelni fare. Një Zot e di sa herë i vishni xhinset, pulovrat, të mos flasim pastaj për xhupat e xhaketat që nuk shohin një sezon të tërë ujë me sy.
