Deputetja e PS, Senida Mesi ka reaguar përmes një statusi në facebook lidhur me protestën e një ditë më parë në Shkodër, ku mbështetës të PD-së u mblodhën në urën e Bahcallëkut për t’i bllokuar kryeministrit Edi Rama, për të hyrë në qytet.
“Një mesazh nga qytetarët e Shkodrës: “Duke parë lajmet dje realisht na ka bërë shumë përshtypje sesi në rrugën hyrëse në Shkodër, ish zv ministri i Shëndetësisë Bardh Spahija me në krye të 25-30 protestuesve që kishin bllokuar rrugën, nuk lanë të kalonte edhe një makinë Autombulance.
Kjo është pamje dekurajuese dhe e tmerrshme nga një ish zv ministër shëndetësie, prezent në radhët e para të protestueve asiston dhe nuk reagon ndaj bllokimit të kalimit të Autombulancës me njerëz të sëmurë në rrugë. “ shkruan Mesi, në facebook, ndërsa e shoqeron reagimin e saj me disa foto te protestës, ku shquhet edhe autoambulanca e bllokuar si edhe ish deputetët Noka e Spahia.
