Sot bëhen 15 ditë nga grabitja e bujshme e milionave në aeroportin e Rinasit. Nga ajo ditë, policia e shtetit ka bërë të mundur arrestimin e pesë personave si dhe ka identifkuar dhe shpallur në kerkim gjashtë prej tyre.
Ajo që bie në sy është pjesëmarrja në grabitje e dy ish policëve. Njëri prej tyre është me rol mbështetës, Marenglen Hoxha, i cili dyshohet të ketë dhënë informacion tek grabitësit për furgonet që transportonin paratë.
Hoxha është i shpallur në kërkim.
E dyta është Edlira Bici, e identifikuar ditën e sotme dhe e shpallur në kerkim. Bici dyshohet se është perpjekur të shpërqendronte policinë duke djegur një makinë. Në ketë menyrë donte të humbiste gjurmët e grabitësve. Për këtë arsye roli i saj konsiderohet si aktiv në ngjarje.
Bici ka qenë efektive në Komisariatin e Kombinatit. Më pas u transferua në atë të Vorës ku u lirua nga detyra në 2017 pas grabitjes së parë të Rinasit.
Kjo e fundit dyshohet të ketë pasur te njejtet autorë si ata të 9 prillit. Nuk dihet ende nëse Edlira Bici ka pasur gisht në ngjarje dhe në grabitjen e parë.
Përgatiti: AlpeNews.al