Kryeministri Edi Rama dhe Sekretari i Jashtëm të Britanisë së Madhe, David Cameron kanë mabjtru sot një konferencë për shtyp pas takimit kokë më kokë.
Kreu i qeverisë shqiptare thoë se në këtë takim kanë folur për thellimin e marrëdhënieve dy palëshe.
“Kemi një mik të veçantë një personalitet të njohur të politikës. Jo vetëm që kemi një mik nga një vend aleat dhe partner i rëndësishëm, sekretarin e shtetit për çështjet e Jashtme, por edhe në të njëjtën kohë një mik të posaçëm të këtij rajoni dhe të Shqipërisë që më në fund erdhi në Tiranë pasi e ka marrë ftesën prej disa vitesh dhe tani jam i bindur se do rikthehet përsëri.
Sot kemi diskutuar për marrëdhëniet tona dy palëshe dhe thellimin e mëtejshëm të tyre. Kemi folur si në aspektin e marrëdhënieve si dy vende aleate në Nato qoftë në aspektin e marrëdhënieve bilaterale në kushtet kur Mbretëria e Bashkuar synon të jetë më e pranishme në vendin tonë. Jemi duke folur për një projekt me rëndësi të veçantë që është hekurudha Durrës Prishtinë, element kyç jo veç mes dy vendeve tona por në rajon e më gjerë. Duke pasur parasysh se ne hapim garën për portin e ri ndërkombëtar të Durrësit”, tha ai.
Sekretari i Jashtëm britanik David Cameron ka vlerësuar Edi Ramën për arritjet e vendit tonë dhe vizionin e kryeministrit për Shqipërinë. Në deklaratën e përbashkët për shtyp ai tha se Shqipëria është një histori suksesi.
“Kënaqësi e veçantë që jam në Shqipëri. Një nga arsyet se pse doja të vija është që të festonim suksesin tuaj. Shqipëria është histori suksesi në aspektin ekonomik, sukses në NATO. Keni bërë një punë të shkëlqyer lidershipi shumë të madh në Këshillin e Sigurimit. Keni fituar më shumë zgjedhje seç kam fituar unë dhe vijoni në këtë detyre se keni një vizion të qartë se ku do të jetë Shqipëria”.
Nga këndvështrimi britanik, Cameron vlerësoi frytshëm partneritetin me vendin tonë dhe renditi disa nga projektet nga infrastruktura te mbrojtja dhe siguria.
“Ka qenë një nga partneritet më të frytshme për ne eksportet janë rritur 20%. kemi projekte si hekurudha nga Prishtina në Durrës që do të jetë shumë e rëndësishme për Shqipërinë, Kosovën dhe për të gjithë rajonin. Në fushën e mbrojtjes jo vetëm në NATO dhe puna për anëtarësimin e Ukrainës në NATO, por dhe për mbështetjen e drejtpërdrejt që i japim njëri-tjetrit. Partneritet edhe sa i përket luftës ndaj krimit të organizuar. Me kënaqësi po ndihmojnë modernizimin e gjyqësorit tuaj, ndërkohë që ju vazhdoni reformat”.
Një tjetër çështje që sekretari britanik vlerësoi në marrëdhëniet dypalëshe është ajo e migracionit, që sipas tij është shumë i arrirë.
“Për migracionin ka qenë partneritet i mrekullueshëm, shumë pozitiv dhe i arrirë. Në të gjithë Europën problemi i migracionit të parregullt është një problem që hasin të gjithë. Është një problem që duhet ta përballoni ju. Keni treguar që jeni novatorë e krijues dhe punoni për partneritet të fortë dhe arrini rezultate të shkëlqyera. Ekonomia do të rritet dhe do të ketë shumë mundësi që njerëzit të qëndrojnë në Shqipëri”.
