Presidenti Ilir Meta thotë se vepra e Mbretëreshës Geraldinë vazhdon ende të frymëzojë e të na bëjë krenarë të gjithëve, teksa ka shkëputur një pasazh nga letra e shkrimtarit Ismail Kadare, dërguar Mbretëreshës Geraldinë në 12 mars 2002.
“Ndonëse ky vend ju ka sjellë shumë më tepër brenga sesa gëzime…ju na jepni një mesazh të gjithëve, mesazhin fisnik se: Atdheu mund të jetë i dashur edhe kur është i varfër dhe i vështirë”.
“Zgjodha këtë pasazh nga letra e shkrimtarit tonë të madh Ismail Kadare, dërguar Mbretëreshës Geraldinë në 12 mars 2002, për të përkujtuar sot 105-vjetorin e lindjes së saj.
Është një nga përkufizimet më të arrira për të gjithë trashëgiminë e vyer që na la “Trëndafili ynë i bardhë”.
Një jetë dedikuar Shqipërisë, begatisë, përparimit dhe europianizimit të plotë të saj, shembull i dashurisë e besnikërisë së përjetshme për Atdheun edhe kur ai i ktheu shpinën, vepra e Mbretëreshës Geraldinë vazhdon ende të frymëzojë e të na bëjë krenarë të gjithëve. 🇦🇱“, shkruan Meta në rrjetet sociale.
Nje mesazh te tille nostalgjie per popullin e vuajtur shqiptar te cilin e do fort, dhe ka te drejte, Meta e ka dhene nga vila e tij ne Gjirin e Lalzit.
