Presidenti i Republikës, Ilir Meta po zhvillon sot një vizitë një ditore në komunën e Medvegjës.
Në pikën kufitare të Mutivodës, Presidenti Meta u prit nga kryetari i trupës koordinuese për Preshevën, Bujanocin e Medvegjën, Zoran Stankoviç, kryetari i komunës së Medvegjës, Nebojsha Arsiç, nënkryetarja e Komunës së Medvegjës, Leme Xhema, këshilltarë shqiptarë të kësaj komune si edhe nga dhjetra shqiptarë.
Në pritjen e ngrohtë që iu bë nga shqiptarët dhe drejtuesit vendorë, Presidenti Meta theksoi ndër të tjera se “kjo është një ditë shumë e bukur për mua. Ndihem i emocionuar që ndodhem sot pranë jush. Politika duhet t’iu kushtojë më shumë vëmendje shqiptarëve këtu dhe këtyre zonave. Shpresoj që kjo vizitë e imja të kontribuojë në këtë drejtim.
Nga Medvegja dua të theksoj se e ardhmja e popujve tanë dhe e të gjithë rajonit është në Bashkimin Europian dhe kjo mund të realizohet vetëm duke bashkëpunuar më ngushtë me njëri-tjetrin”, – tha Presidenti Meta.
“Në Medvegje u ndjeva me mire se ne vendlindjen time.
Shqiptaret ne Medvegje, Bujanoc e Presheve gjithmone ne vemendjen time.
Uroj qe Beogradi te marre vendimin e duhur per pavaresine e Kosoves, ne kohen e duhur, ne interes te gjithe rajonit”, tha Meta per mediat shqiptare dhe serbe.
