Akti i fundit Metës nga pozicioni i presidentit të Republikës për anulimin e 30 qershorit si date e zgjedhjeve vendore është i paprecedentë. Ky akt i presidentit tonë nuk ka ndodhur as në Turqinë e Erdogan dhe Maqedoninë e Gruevskit, një skandal i tillë i cili i kalon përmasat e shkeljes së Kushtetutës së vendit.
Gjatë firmosjes së ç’dekretimit të zgjedhjeve, Presidenti Meta bëri simbolin e Shqiponjës me duar. Sot ai reagoi sërish në një takim me studentë nga trevat shqiptare ku me rastin e 141-vjetorin e Lidhjes Shqiptare të Prizrenit nga ku u shpreh se Kushtetuta do të mbrohet deri në fund me qetësi dhe shqiptari.
Por veprimi i fundit i presidentit Meta është ne të vërtetë një akt i cili ai po e kryen për popullin shqiptar që të mos shkoj në përplasje civile, apo është një tjeter perpjekje për të penguar reformën në drejtësi dhe SPAK?!
Veprimi i presidentit Meta e ka kthyer Shqipërinë në një krizë të mirëfilltë politike, ku palët kanë nxjerr “dhëmbët” dhe po presin të godasin.
Reagimi i presidentit Meta:
Në këtë ditë të veçantë për kombin tonë, në 141-vjetorin e Lidhjes Shqiptare të Prizrenit dhe në prag të kremtimit të 20-vjetorit të çlirimit të Kosovës, pata kënaqësinë e veçantë të zhvilloja një takim të ngrohtë e vëllazëror me një grup studentësh e profesorësh nga të gjitha trevat shqiptare, të Kolegjit Universitar AAB në Prishtinë.
I lumtur të ndanim qëndrimin se rinia duhet të jetë promotore e proceseve demokratike dhe integruese në të dy vendet tona dhe se është shumë e rëndësishme që Shqipëria e Kosova të forcojnë bashkëpunimin në të gjitha fushat. Të bëjmë të gjitha përpjekjet për të rritur shpresat dhe për t’i hapur perspektivat rinisë, për të ndërtuar të ardhmen në vendet tona. Lidhur me shqetësimin e tyre për zhvillimet në Shqipëri i garantova se Kushtetuta do të mbrohet deri në fund me qetësi dhe shqiptari.
Përgatiti: AlpeNews.al