Ditën e djeshme ka ndërruar jetë mësuese Vajdija, nëna e vëllezërve Agron dhe Armand Duka.
Sot ka reaguar me fjalë prekëse përmes facebook, kreu i FSHF-së, Armand Duka. Ai shprehet i se nuk ka mundur ta përcjellë nënën e tij sipas zakoneve e traditave shqiptare, për shkak të situatës që është krijuar si pasojë e koronavirusit.
Duka ka falenderuar të gjithë miqtë për mbështetjen dhe ngushëllimet, duke uruar që kjo situatë e vështirë e krijuar nga pandemia, të kalojë sa më shpejt.
Statusi i Armand Dukës
Të nderuar Miq,
Në këto ditë të vështira nuk arrita ta përcjell Mamin tim sipas të gjitha zakoneve të cilat ne dhe ajo donim shumë t’i respektonim. Dua t’ju falënderoj të gjithëve, miqtë e të afërmit që arritën ta përcjellin Mamin për në banesën e fundit, që na ngushëlluan përmes telefonatave e mesazheve të shumta.
Uroj ta kalojmë sa më parë këtë situatë të vështirë e të rikujtojmë edhe njëherë Mamin tonë apo siç do të thonin qindra nxënës që ka mësuar dhe edukuar në 40 vite arsimi e mësuesie: Zysh Vajdijen.
Ju përqafoj të gjithëve!
