Dita e sotme shënoi një ulje në numrin e të infektuarve në krahasim me ditët e mëparshme në Serbi.
Në 24 orët e fundit u shënuan 408 raste të reja ku në total janë 4,873 të infektuar.
Gjatë kësaj periudhe u kryen 2,880 teste.
Edhe 5 persona të tjerë nuk kanë arritur që të fitojnë luftën me koronavirusin. Në të gjithë territorin serb numërohen 99 viktima.
Ministri i Shëndetësisë, Zlatibor Loncar u shpreh se numri i pacientëve që kanë lënë terapinë intensive është ulur.
Gjithashtu ai komentoi edhe për masat izoluese të ndërmarra nga qeveria. Ai shprehet se ato nuk duhet të lehtësohen në asnjë mënyrë nëse nuk do të ketë ulje të numrit të të infektuarve.
