Kim dhe Steve, një çift Australian e konsideruan aventurë ardhjen e tyre në Shqipëri që në fillim të vitit. Por me mbylljen e kufijve për shkak të pandemisë, nuk patën asnjë mundësi të lëvizin nga vendi, raporton newsbomb.al.
Sot paradite, ka ardhur momenti që të kthehen në shtëpi. Gazetari Mikel Marsi, ka shkrepur një foto me ta, nga varka e tyre e vogël, e kthyer në banesë provizore për plot 6 muaj. Pas gjithë kësaj periudhe do të mund të udhëtojnë në vendin e tyre.
Cifti Australian u bë I njohur në median shqiptare pasi mbetën në Shqipëri dhe u detyruan të ambientohen në realitetin shqiptar. E morën me kuriozitet dhe sportivitet qëndrimin në Shqipëri, madje e shfrytëzuan për të bërë vizita në qytete të ndryshme.
Kim, bashkëshortja, ka profesionin e gazetares dhe në intervistat që ka dhënë thotë se kanë vizituar vendin dhe janë mrekulluar nga peizazhi. Kanë parë Butrintin dhe Syrin e Kaltër dhe u pëlqen Vlora me bregdetin e vet dhe malet mbi “supe”. Sic thonë ata nga vendi që vijnë nuk shohin kaq shumë male, raporton newsbomb.al.
Kanë pasion kulinarinë dhe janë kënaqur duke gatuar. Ushqimet shqiptare u shijojnë shumë. E menduan se do të qëndronin pak në Shqipëri, dhe plot gjashtë muaj kaluan si pa u ndjerë, në barkën e tyre të vogël në portin e Jahteve në Orikum.
Sot paradite, ata janë nisur nga Shqipëria për të shkuar në vendin e tyre.