Qulli me tërshërë, në fakt është tërshërë (ose drithëra të tjera) i gatuar me qumështin e lopës apo perime, të cilat janë pasuruar më pas me kos, fruta të freskëta dhe të thata, çokollatë, fruta të thata, mjaltë, shurup panje dhe çdo gjë tjetër që mund të preferoni.
Vetitë
Fibrat që gjenden te drithërat stimulojnë ngopjen dhe mund t’i thoni lamtumirë urisë klasike në mëngjes, si dhe rregullon funksionet e zorrëve. Ai është ideal sidomos kur jeni kërkuar të konsumoni një mëngjes detoksikimi.
Këto ushqime janë të përsosur për ata që duhet të ndjekin një dietë pa gluten. Nëse dikush ka probleme me produktet e qumështit (ose nuk do të konsumojë prodhime shtazore) mund të përdorë qumësht bimore, pa humbur asgjë në shije.
Cila është më e mira? Qumështi i bajames ose kokosit.
Si të përgatitsni qullin?
Për të përgatitur qullin vendosni në një tigan 3-5 lugë tërshërë (ose drithëra të tjera), shtoni rreth gjysmë filxhani qumësht dhe një gjysmë gotë me ujë. Vendoseni të ziejë për 4-5 minuta, duke e trazuar shpesh, derisa të arrijë një masë të plotë.
Fikni zjarrin dhe hidhni sipër gjithë përbërësit e tjerë të preferuar.
Kombinimet
Kakaoja e shtuar në tërshërë e bën çdo mëngjes më të shijshëm. Me një grusht arra dhe copat e një dardhe, ju do t’ju japë shijen e një ëmbëlsire. Ky gatim kombinohet shumë mirë me luleshtrydhe, manaferra, mango dhe papaja, si dhe një spërkatje me arrë kokosi.
Mos e kurseni asnjëherë kanellën dhe vaniljen: do ta bëjnë më të ëmbël dhe me shumë shije, pa shtuar kalori. Por edhe mjaltë, shurup panje, në mënyrë që të përfitoni nga vitaminat dhe mineralet.
Frutat e thata dhe të freskëta mund të shtojnë shijen: shtoni rrush, fiq të thatë, kajsi të thata. Nga frutat e freskëta mund të shtoni një gjysmë banane të bërë pure, ose një mollë ose feta dardhe. Për të krijuar një kontrast me nxehtësinë, mund të shtoni një lugë kos të freskët.
Ja disa kombinime:
- rrush të thatë dhe fara kungulli
- kanellë, mollë dhe stika pishe
- kajsi dhe lajthitë të thata
- luleshtrydhe dhe fëstëkë
- banane, vanilje dhe arra
