Muaji qershor ka qartësuar planin dhe strategjitë e Juventus-it. Një blerje e madhe në mbrojtje, dy lojtarë me kosto zero në mesfushë, një lider në dhomat e zhveshjes dhe një trajner i thirrur për të bashkuar ekipin në emër të një ideje të re, kontrollin e lojës dhe ndeshjes.
Në mënyrë të detajuar, siç ka shpjeguar “Gazzetta dello Sport”, Juventus ka shpenzuar 3,7 milionë euro për Ramsey-n, do të shpenzojë rreth 15 për Demiral, pak a shumë 10 për Rabiot (bonus për nënshkrimin e kontratës), 70 për De Ligt, asgjë për Buffon.
Më pak se 100 milionë euro për kartonët e pesë lojtarëve që do të ndryshojnë skuadrën. Rrogat e tyre do të rëndojnë, por bardhezinjtë kanë përjetuar revolucione më të dhimbshme në të kaluarën.
