Një menaxher shitjesh i një kompanie produktesh mishi është dënuar nga Gjykata e Tiranës me 9 muaj burgim, pasi është shpallur fajtor për veprën penale të “vjedhjes duke shpërdoruar detyrën”.
Bëhet fjalë për shtetasin L.K., i cili ka qenë i punësuar në një kompani që shet produkte mishi. Në rastin e parë, L.K. ka marrë xhiron ditore, rreth 90 mijë lekë të reja dhe nuk është paraqitur në punë. Pas insistimeve të familjarëve të tij, shefi i L.K. ka pranuar ta falë me kushtin që t’ia kthente sërish shumën e marrë mbrapsht.
Pasi është rikthyer në detyrë, L.K. ka nisur sërish të përsërisë veprimin e shkuar. Disa muaj më pas, ai merr sërish xhiron ditore dhe i dërgon një SMS përgjegjësit të tij, ku i thotë: “Më vjen keq që po e bëj sërish, por unë i tillë jam, legen”.
