Ndoshta është momenti më i “artë” ku Tajlanda është bërë më e famshme se kurrë prej një mega-operacioni shpëtimi të 12 fëmijëve në një shpellë, dhe një trajneri të cilët për rreth tetëmbëdhjetë ditë rresht ishin të “ngujuar” në një shpellë, të lokalizuar në veri të Tajlandës, të quajtur si “Tham Luang”.
Fëmijët e shpëtuar nga Operacioni – (nga e majta në të djathtë) Adul Sam-on, 14, Panumas Saengdee, 13, Sompong Jaiwong, 13, Ekkarat Wongsookchan, 14, Pipat Bodhi, 15, Peerapat Sompiangjai, 16, Pornchai Kamluang, 16, Prajak Sutham, 14, Chanin Wiboonrungrueng, 11, Mongkol Boonpiam, 14, Nattawut ‘Tle’ Takamsai, 14 and Duangpetch Promthep, 13
Nuk ka medie online, dhe gazetë të huaj që nuk u bë “njësh” me këtë ngjarje që do të quhet me gjasë si “ngjarja e vitit 2018”.
Për shumë prej nesh një operacion i tillë do të ishte i pamundur, por ja që ekzistenca e një shprese e cila nuk u shuajt kurrë, bëri që policë, zjarrfikës, polumbarë, teknikë jetë-shpëtimi, apo deri tek njerëzit normale me zemër të fortë të ndërmerrnin këtë “rrugë” të vështirë për të shpëtuar jetën e 13 qenieve humane.
Një eksperiencë që nisi si një eskursion i thjeshtë mësimor, i një grupi nxënësish (lojtarë futbolli) të cilët ishin së bashku me trajnierin e tyre të sigurtë se do iu pëlqente të eskploronin një vend që askush nuk e imagjinonte se do të kthehej në “makth”.
Autoritetet e Policisë dhe ato shtetërore kanë vënë në dispozicion ambjentet spitalore ekzaktësisht në Chinag Rai ku të gjithë fëmijët janë duke marrë kujdesin e nevojshëm të mjekve dhe infermierëve.
PAMJET E SHTRIMIT NË SPITAL
Por nuk mbaron me kaq.
DailyMail tregon se 25-vjeçari Ekaphol Chantaëong, trajnier i këtyre nxënësve kishte njohuri të jashtëzakonshme në meditim, dhe në të bërit ushtrime qetësuese mendore.
Si i tillë ai kishte bërë më tepër se të mirën e tij duke i krijuar kushte të menjëhershme nxënësve të tij për të medituar, dhe për të ndenjur të qetë gjatë përmbytjeve nga shirat e rrëmbyeshëm në shpellë.
PAMJET NGA OPERACIONI I SHPËTIMIT
“Nuk e di përse u ndryshua rendi i fëmijëve për t’u shpëtuar nga ai më i forti nga ana shëndetësore, tek ata më të dobëtit”, thotë kreu amerikan i Shpëtimit kur pyetet për operacionin e shpëtimit.
Kujtojmë këtu se fëmijët ishin të parët dhe më pas trajneri i tyre, 25-vjeçari Ekaphol Chantawong.
Pamjet me lot në sy të prindërve teksa shikojnë fëmijët e tyre në pavionin e spitalit Chinag Rai janë një prej momenteve më të dhimbshme për të gjithë ne, të paktën për aq sa besuam se ky hap kaq i madh i forcave të shpëtimit nuk do të dilte kaq pozitiv në fund.
/AlpeNews.al
GJENDJA AKTUALE E FËMIJËVE
