Situata me kalimin e qytetarëve shqiptarë për në Greqi është paraqitur e qetë në Kapshticë.
Ata janë paraqitur pranë sporteleve greke me dokumentet si dhe testin për Covid-19.
Njëri prej tyre shprehet se virusi nuk ekziston, ndërsa shton me batutë se është nga Belshi dhe ka pirë raki manaferre duke krijuar imunitet ndaj virusit.
“Shumë mirë sot. Virus nuk ka, asgjë nuk ka. Ne jemi nga Belshi, pimë raki manaferre. Nuk kemi asgjë jemi xham.
Po ikim të punojmë. Nuk e di që duhet të qëndroj në Karantinë për 7 ditë nuk na kanë thënë gjë.
Tamponin e kemi bërë te spitali amerikan”, shprehen disa nga qytetarët që kanë kaluar drejt Greqisë përmes pikës kufitare të Kapshticës.
