Abuzimi seksual i 18-vjeçarit nga Elbasani, i cili vuan nga prapambetja mendore është risjellë sot në emisionin “Me zemer te hapur”.
Ngjarja ndodhi më 23 korrik të këtij viti, ndërsa prindërit denoncuan rastin në Polici.
Babai i djalit tregon se 42-vjeçari që ka abuzuar me të birin, i ka kërkuar këtij të fundit ta ndihmonte të ngjiste lart në shtëpinë e tij një arkë me banane. Sipas të atit të djalit, pasi i biri është ngjitur lart, 42-vjeçari e ka përdhunuar atë. Më pas djali i ka treguar të ëmës për këtë ngjarje të hidhur.
Gruaja i ka treguar menjëherë bashkëshortit dhe të dy i janë drejtuar më pas Policisë së Elbasanit.
“Në datën 20 korrik ka ndodhur ngjarja. Pas 1 muaji, në datën 17, policia bëri ballafaqimin, por për shkak se është me të meta mendore nuk e morën parasysh. Ai zotëri është 41 vjeç, ndërsa djali im është 18 vjeç. Unë vetë jam marrë me shoqatën me njerëzit me aftësi të kufizuara, jam njohur me këtë person kur shiste banane afër një institucioni ku shkoja dhe punoja. Ky zotëri është i martuar dhe ka 2 fëmijë.
Këtë çështje, nëse shteti nuk e burgos atë njeri, unë edhe pse fukara do ta çoj deri në Strasburg. Gruaja e tij bërtiste, ajo ka deklaruar se nëse burri i saj e ka bërë këtë gjë, atëherë burri të dënohet dhe të marrë ndëshkimin e duhur.
Djali thotë “ai më mori brenda, mbylli derën e jashtme, mbylli derën e brendshme, pastaj me shtriu ne divan dhe më hoqi pantallonat”. Tani ai thotë se ka shqetësime, i dhemb barku. Kërkova psikologun, doja ndihmën e tij, sepse djali po më ikën dhe nuk më futet në shtëpi, ai ka kaluar nuk rri dot me brenda në shtëpi. Te psikiatri i kam marrë mjekimet, por ai vazhdon të ketë dhimbje barku”, tha babai i djalit.