Plot pesë orë pas lajmit se Hashim Thaci dhe Kadri Veseli akuzohen nga Haga, ka ardhur më në fund edhe reagimi i Lulzim Bashës.
Përmes Twitter, kreu i PD shkruan fjalitë e mëposhtme në formë reagimi.
“Ushtria Çlirimtare e Kosovës luftoi për liri përballë një agresori që nuk kurseu asgjë, nga genocidi tek sprastrim etnik kundër popullit te Kosovës. Kohë pas kohe shqiptarëve ju desh jo vetëm të luftojnë për ta fituar lirinë por edhe ta mbrojnë atë.
Kam bindjen se Hashim Thaçi, Kadri Veseli e të gjithë bashkëluftëtarët e tyre do ti dëshmojnë sërish botës drejtësinë e kauzës së lirisë. Asgjë nuk e përdhos dot luftën çlirimtare dhe sakrificën sublime të popullit të Kosovës për liri, pavarësi dhe dinjitet njerëzor” – thotë ai.
Kujtojmë se i pari që reagoi nga PD ishte Sali Berisha. Në të njëjtën linjë ka ardhur i fundit edhe reagimi i Bashës.
