Kemi parë hajdutë ‘serialë’, sidomos në Tiranë, po një rast si ky i sotmi, 26 shkurt, zor se na kanë zënë sytë.
Bëhet fjalë për një 26 vjeçare, e cila vjedh pa pikë hezitimi (madje me dhunë) dhe me një kamuflim të ‘tipit sportiv’ e kapuçin në kokë.
Siç bën me dije policia, krahas pamjeve filmike, e reja është protagoniste e tre rasteve të vjedhjes në kryeqytet në këto dy muaj.
“Si rezultat i veprimeve hetimore dhe operacionale të kryera në kuadër të operacionit të koduar “Intervali”, u identifikua dhe u arrestua shtetasja R. S., 26 vjeçe, me precedent të theksuar për vjedhje. Nga këto veprime dyshohet se kjo shtetase: më datë 07.02.2026, ka vjedhur me dhunë në një subjekt; më datë 20.02.2026, i ka vjedhur me dhunë, një shumë parash, një shtetasi; më datë 03.01.2026, ka vjedhur në një subjekt”, thonë blutë.
Në videon e publikuar, mund të shihni se si ajo përleshet me farmacisten dhe arratiset si pa të keq. Ajo që vihet re është qetësia që e karakterizon, që nuk e dimë sa mund ta ketë ruajtur tani që ka përfunduar në qeli.
VIDEO
