27 vjeçari, Sajmir Duriçi është i arrestuari i mëngjesit të sotëm nga blutë e qytetit të Bulqizës, ndërsa bëhet me dije se shkak është bërë një kontroll rutinor nga këta të fundit që në flagrancë kanë gjetur një sasi të konsiderueshme lëndë narkotike (të llojit Cannabis Sativa) në brendësi të automjetit të tij.
Duriçi më parë ishte ndaluar për tejkalim të shpejtësisë, gjë që i kishte sjellë sekuestrimin e lejes së drejtimit, thonë burimët për redaksinë e ALPENews.al. Veçmas kësaj në momentin e arrestimit, 27 vjeçari është kapur pa patentë dhe në makinë ka qenë vetëm, gjë që dyfishon shkeljen ligjore në bazë të neneve përkatëse.
Policia i sekuestroi në vend sasinë e poseduar të kanabisit, e cila ishte vendosur në sediljen e pasme të automjetit, në zonën e poshtme të saj. Ai akuzohet edhe për vjedhje, ndërsa gjendet në paraburgim në qytetin ku u kap.
/ALPENews.al
