Familja më e njohur në botë, Kardashian, vazhdon të shkaktojë lajme të njëpasnjëshme me historitë e tradhtisë dhe romancat.
Khloe Kardashian, e cila së fundmi u nda nga bashkëshorti, për shkak të tradhtisë së tij me shoqen e ngushtë të motrës së vogël, ka tërhequr vëmendjen e ish-kunatit, Scott Disick.
Ky i fundit duket se nuk poi kushton më vëmendje të dashurës së tij 20-vjeçare Sofia Richie dhe sytë e tij janë përqendruar pikërisht tek motra e ish-gruas, Khloe Kardashian.
Miqësia e tij me Khloe duket se po merr një tjetër emër.
Ai mund të jetë në lidhje me Sofian, por kjo nuk e ndaloi që të quajë Khloen “Fiksimi i ditës së mërkurë”.
Ndër të gjitha imazhet që mund të zgjidhte, ai preferoi fotografinë e Khloe me një veshje transparente ku duket shumë seksi.
Pasi e publikoi në llogarinë e tij në Instagram, ai shkruajti: “Kam pritur gjithë javën për ta publikuar këtë”.
Scott ndonëse u nda nga Kourtney, vazhdon të ketë marrëdhënie të mira me familjen Kardashian.
Të dy janë prindër të tre fëmijëve dhe tani gëzojnë komunikim shumë të mirë.
