Një 62-vjeçar i identifikuar si Enver Jaxhiu ka ndërruar jetë pak minuta më parë në spitalin e Lezhës, aty ku ishte transportuar me urgjencë pasi rrezikoi të mbytej në det. Bëhet fjalë për një pushues nga Kosova i cili kishte zgjedhur “Ranën e Hedhun” në Shëngjin pë të kaluar ditët e nxehta të gushtit.
Informacion paraprak
Më datë 09.08.2018, rreth orës 13:25, në vendin e quajtur “Rana e Hedhun” në Shëngjin, ka rrezikuar të mbytet në det shtetasi E.J. 62 vjeç, banues në Kosovë, i cili pasi është nxjerrë nga uji, është transportuar në Spitalin Rajonal Lezhë në gjendje të rëndë shëndetësore, ku më pas ka ndërruar jetë.
Grupi hetimor nën drejtimin e Prokurorisë së Rrethit Gjyqësor Lezhë, vazhdojnë veprimet hetimore për zbardhjen e rrethanave të ngjarjes.
