Një ngjarje e rëndë ka ndodhur mesditën e sotme te Liqeni i Farkës në Tiranë, ku është mbytur një 12-vjeçar teksa ka hyrë në ujë të lahej me shokët.
Kanë qenë fëmijët e tjerë që kanë lajmëruar për ngjarjen e rëndë. I mituri i identifikuar si Daniel D., ka rrëqitur në myshqe dhe ka rënë në thellësinë liqenit. Policia ndodhet në vendngjarje së bashku me polumbarët dhe po kërkojnë për trupin e 12 vjeçarit.
Dëshmia e shokëve: Rrëshqiti dhe nuk e nxorëm dot. Kishte myshqe aty dhe ai s’doli dot…
Informacion paraprak i policisë
Më datë 05.06.2018, rreth orës 14:25, jemi njoftuar se tek Diga e Liqenit në Farkë, Tiranë është mbytur një fëmijë i mitur.
Paraprakisht dyshohet që fëmija i mitur i moshës rreth 12 vjeç, të ketë qënë duke luajtur së bashku me fëmijë të tjerë në zonën e liqenit dhe është mbytur aksidentalisht.
Në vendngjarje kanë shkuar shërbimet e policisë si dhe janë njoftuar Polumbarët e Reneas.
