Kryetarja e LSI-së, Monika Kryemadhi tha pas përfundimit të protestës se shqiptarët treguan dashurinë e tyre për atdheun sot përpara kryeministrisë. Ajo falënderoi të gjithë qytetarët në shesh dhe shtoi se opozita do të vazhdojë kauzën e saj për të risjellë normalitetin në vend.
Fjala e Monika Kryemadhit:
Sot ishte vetëm fillimi i reagimit qytetar. Sot protesta e cila kishte më shumë djem dhe vajza, burra dhe gra, se asnjëherë tjetër nga çdo protestë që është bërë më parë, ishte një protestë që rrëzoi Ramën, që i tregoi atij dhe bandave të krimit që nuk është më ai kryeministër.
Frikacaku Rama me 2 mijë karrige ne Vlorë, tentoi të bënte antimitingun, por shqiptarët i dhanë mesazhin më të mirë.
Shqiptarët i treguan Ramës së asnjë armë nuk i tremb ata, ai sot mori mësim se asgjë nuk i tut shqiptarët,
Ky është vetëm fillimi.
Gjithë arsenalit bërthamorë të mbledhë kundër popullit, nuk e mund dot.
Nuk është nga ata burra që mund popullin e tij.
Sot filloi rrëzimi i botës së krimit që përfaqëson pushteti i tij. ditë më të ethshme do të vijnë për Ramën, dhe më të bukura për popullin.
Me dorë në zemër ju falënderoj për protestën paqësorë, që nuk u bënë pre as e gardistëve dhe as policëve të Ramës.
Ta çojmë deri në fund këtë rrugë që kemi nisur.
