Sot ka nisur në New York gjyqi i kriminelit më famëkeq në botë Joaquin “El Chapo” Guzman.
El Chapo akuzohet se për një çerek shekulli kontrabandoi kokainë në Shtetet e Bashkuara.
Gjyqi do zhvillohet nën masa të rrepta sigurie për të mbrojtur dëshmitarët, qytetarët e New York, si edhe vetë të pandehurin.
Guman përballet me 17 akuza që mbulojnë gati tre dekada të veprimtarive të dyshuara kriminale. Akuzat përfshijnë krime që lidhen me ndërtimin e një perandorie multimiliarë-dollarëshe të narkotikëve, duke përfshirë vrasje, dhunë dhe kërcënimi fizik.
Gjyqi i 61-vjeçarit konsiderohet si rreziku më i lartë në qytet që nga koha kur u planifikuan dhe u kryen shpërthimet në Qendrën Botërore të Tregtisë në viti 1993.
Guzman, para ekstradimit në SHBA vitin e kaluar nga Meksika, me sukses u arratis nga dy burgje të sigurisë së lartë.
Në një prej arratisjeve ai u zvarrit në një turnel të hapur jashtë burgut që çonte deri në qelinë e tij.
