Mbreti Charles III i Britanisë është bërë monarku i parë që flet para parlamentit gjerman, Bundestag, të enjten, si pjesë e një vizite që synon të forcojë lidhjet midis dy fuqive evropiane.
Charles, 74 vjeç, është në udhëtimin e tij të parë jashtë vendit që kur u bë mbret. Ai dhe bashkëshortja e tij Camilla, mbërritën në Berlin të mërkurën.
Turmat e dashamirësve dhe kreu i shtetit të Gjermanisë, Presidenti Frank-Walter Steinmeier, përshëndetën çiftin në portën ikonike të kryeqytetit të Brandenburgut. Më vonë ata morën pjesë në një banket për nder të tyre në pallatin presidencial.
Përtej pompozitetin dhe magjepsjen mbretërore, vizita tre-ditore ka një qëllim politik. Qeveria britanike po përpiqet të ndreqë lidhjet e prishura me partnerët e saj kontinental pas procesit që i parapriu dhe pasoi tërheqjen e Mbretërisë së Bashkuar nga Bashkimi Evropian.