Përfaqësuesi i mazhorancës për Reformën Zgjedhore, Damian Gjiknuri në një prononcim për media në përfundim të mbledhjes së Këshillit Politik ka deklaruar se ende janë 2-3 pika që po saktësohen.
Gjiknuri shtoi se drafti final i plotë do të dërgohet të hënën zyrtarisht në Komisionin për Reformën Zgjedhore.
“Kemi 2- 3 pika që po saktësohen nga ekspertët. Kodi zgjedhor do jetë amendim i kodit aktual, për të gjitha çështjet për të cilat kemi rënë dakord. Besoj të hënën maksimumi të martën shpresoj të coj zyrtarisht draftin në Komisionin e Reformës Zgjedhore. Drafti final do të jetë i plotë.
Reklamat politike do të jenë pjesë e kodit zgjedhor. Reklamat politike në media do të jenë të lejueshme”, tha Gjiknuri.
