Janë publikuar rezultatet e provimit të gjuhës së huaj për Maturën Shtetërore 2025 dhe statistikat tregojnë një përmirësim të dukshëm krahasuar me dy vitet e mëparshme. Provimin e kanë dhënë gjithsej 25 742 maturantë, ndërsa vetëm 399 prej tyre kanë mbetur, çka përkthehet në një kalueshmëri prej 98.45%, më e larta e tre viteve të fundit.
Gjithashtu, 216 maturantë kanë arritur të marrin notën maksimale 10.00. Krahasuar me vitin 2023 dhe 2022, është ulur ndjeshëm numri i nxënësve që kanë mbetur. Në vitin 2023, kishin mbetur 1 043 maturantë, ndërsa në vitin 2022 ishin 861.
Nota mesatare për provimin e gjuhës së huaj këtë vit është 7.8, një tjetër tregues pozitiv për cilësinë e përgjithshme të rezultateve. Sipas të dhënave zyrtare të publikuara nga PortaliStudentor.al, pjesa më e madhe e maturantëve janë vlerësuar me nota që variojnë nga 7.0 deri në 9.9, me peshën më të madhe që e mban grupi i notave 9.0–9.99, ku renditen 8 073 maturantë.
Të gjithë nxënësit mund të shohin notat e tyre individuale në sistemin zyrtar online në këtë adresë: https://www.portalistudentor.al/notat-e-matures/
Më datë 17 maturantët zhvillojnë provimin e Matematikës, ndërsa me datë 24 atë me zgjedhje.
