Një ngjarje e rëndë ka ndodhur në Baz të Matit, aty ku është denoncuar si i zhdukur nga familjarët, vëllai i ish-gjeneralit Gjin Marku, Ndue Marku.
Prej 5 ditësh, Marku është denoncuar si i zhdukur. Ai është parë për herë të fundit kur është larguar nga banesa për të kullotur bagëtitë.
Në kërkim të tij janë vënë dhjetra banorë të zonës, të repartit të ushtrisë Burrel, efektiv të Komisariatit të Matit, por ende nuk është arritur të gjendet asnjë gjurmë.
Familjarët kërkojnë ndihmën e shtetit për të bërë kontroll të zonës nga ajri.
