Prokuroria e Durrësit ka nisur hetimet për një 38-vjeçare, e cila akuzohet për mashtrim me vlera të mëdha financiare, që arrijnë deri në vlerën 900 mijë euro.
Nën hetim nga prokuroria u vendos OLESIA DUKA, 38 vjeçarja nga Tirana me profesion dentiste.
Nga hetimet paraprake të Prokurorisë, ka dyshime të forta që 38-vjeçarja përmes gënjeshtrës dhe mashtrimit i ka marrë shuma të mëdha financiare shtetasit I. H., që nga njohja mes tyre në nëntor 2016, dhe vazhdon të mos ja kthejë.
Hetimet kanë zbuluar se shtetasja Olesia Duka ka mashtruar edhe persona të tjerë, duke iu vjedhur shuma të mëdha parash.
Olesia Duka mashtronte persona të ndryshëm, duke iu marrë shuma të mëdha parash. Ajo mashtronte qytetarët, duke iu thënë se kishte 8 klinika dentare dhe se i duheshin paratë për të blerë aparatura apo materiale të linjës. Pasi i merrte paratë, ajo nuk i kthente më, ku vlera e mashtrimit arrin deri në 900 mijë euro.
Burimet nga Prokuroria thanë se stomatologia Duka ishte një person i njohur, pasi kishte marrë pjesë në disa fondacione bamirësie dhe klinika e saj në kryeqytet është ndër më të njohurat, dhe kështu ajo përdorte famën, duke krijuar lidhje me biznesmenë dhe persona të ndryshëm, të cilët më pas i mashtronte.
AlpeNews.al
