Kur ka kaluar rreth një javë pas tragjedisë me 8 viktima në fshatin Resulaj në Selenicë të Vlorës, një kushëri i autorit të ngjarjes, Ritvan Zykajt, ka marrë guximin dhe ka shkuar ta vizitojë atë në burg.
Personi, i cili preferon të ngelë anonim dhe të mos identifikohet, tregon një anë tjetër të historisë. Sipas tij, në fis dhe në fshat, Ritvanin gjithmonë e kanë tallur dhe akuzuar për vjedhje, edhe pse ai nuk e pranonte.
Kushëriri i largët i Ritvanit tregon se në bisedë e sipër, 24-vjeçari ka shprehur pendesë dhe se nuk donte asnjëherë që gjërat të arrinin deri në atë pikë, por kishte vepruar në gjaknxehtësi e sipër.
Ai ka shprehur keqardhje për dy fëmijët, ndërsa siç tregon kushëriri, në momentin që kreu aktin e rëndë, dridhej i gjithi.
Pjesë nga rrëfimi i kushëririt të Ritvan Zykajt:
Jam një kushëri i largët i Ritvan Zykaj dhe doja tu thoja se Ritvani nuk pati shumë faj. I njihja shumë mirë personat që vrau dhe në një anë pati të drejtë me ta, sepse ndodhte çfarë ndodhte, gjithmonë akuzonin atë. Por dhe durimi ka kufijtë e vet.
Gjithë jetën i poshtëruar sepse ishte në shënjestër nga i gjithë fshati, pasi nga vetë njerëzit e tij ishte përhapur fjala që vidhte.
Ritvanin e takova dije dhe më tha se nuk donte që të arrinin gjërat deri në atë pikë dhe se nuk kishte menduar që të bënte një akt të tillë, por në fakt ishte diçka e pamenduar mirë. Më tha “nuk po duroja, po dridhesha i gjithi, nuk e kontrolloja dot më veten sepse ishte diçka e përditshme”. Nuk kish ndodh një herë e dy herë, por ditë për ditë i njëjti muhabet. Më tha që ishte mërzit për dy fëmijët e vegjël sepse ata s’patën faj, por “mu errësuan sytë, nuk po shikoja më. Tani po i mendoj gjërat, po ja që s’kthehet më mbrapa, iku”, më tha”.joq.al
