Masakër me armë zjarri në fshatin Resulaj të Selenicës në Vlorë pas sherrit për pula mes dy familjeve. Tetë persona, anëtarë të dy familjeve të të njëjtit fis, janë qëlluar për vdekje duke regjistruar kështu ngjarjen më të rëndë kriminale në vendin tonë. Dy nga viktimat janë fëmijë të moshës 13 dhe 9-vjeç si dhe tre gra. Autori i kësaj ngjarje është një 24-vjeçar i identifikuar si Ridvan Zykaj. RENEA, FNSH, DELTA FORCE kanë blinduar fshatin.
Emrat e viktimave të cilët janë Demir Zyka, Besim Zyka, Azem Zyka, Peri Zyka, Vasilika Zyka, Afërdita Zyka, Sara Zyka (13 vjeçe) dhe Ledion Zyka (9 vjeç).
Autori ka qëlluar me breshëri në drejtim të tetë personave, të cilët kanë humbur jetën në vend. Ridvan Zykaj ishte kushëri i afërt me familjet e viktimave (kushërinjtë e parë të babait). Fshati Resulaj ndodhet rreth 60 minuta larg Bashkisë Selenicë.
Autori dyshohet me probleme mendore. Disa vite më parë ai është shpëtuar nga një zjarr i rënë në fshat dhe prej atëherë ka pasur probleme mendore.
