Forca të shumta të RENEA-s, FNSH-së dhe DELTA FORCE kanë rrethuar fshatin Resulaj në Selenicë, pasi dyshohet se autori i masakrës me 8 të vdekur, Ritvan Zykaj, 24-vjeç fshihet pikërisht në një banesë të këtij fshati.
Forcat Speciale kanë paralajmëruar se do hapin zjarr nëse autori bën rezistencë. Ata i kanë bërë thirrje autorit të dorëzohet. Ritvan Zykaj dyshohet se është i armatosur me dy armë zjarri kallashnikov, të cilat i përdori në masakrën ndaj kushërinjve të tij.
