Nënkryetari i Partisë Demokratike Edi Paloka ka reaguar pas masakrës së ndodhur dje në Selenicë ku 24-vjeçari Ridvan Zykaj, vrau me armë 8 kushërinjt e tij.
Në një shënim në facebook Paloka thotë se ngjarja ka tronditur çdo shqiptar .
Më tej ai ka sulmuar Ramën duke thënë se i “vetmi që jeton në botë tjetër është kryeministri Edi Rama, që në këto momente shkruan në fb: “ju uroj një fundjavë të qetë”…
“Tragjedia e Vlorës me të drejtë ka tronditur çdo shqiptar; dy familje që u shuan me gra e fëmijë bashkë.
I vetmi që vazhdon të jetojë në botë tjetër është kryeministri i vendit. Pikërisht në këto momente dhe pikërisht nga Vlora, Rama shkruan në fb: “ju uroj një fundjavë të qetë”…
Është cinizmi ekstrem i një kryeministri që nuk ja ndjen hiç për askënd apo është fakti që shumë qytetarë shkruajnë në komentet e tyre lidhur me autorin e krimit: ‘Ne të çmendurin e kemi në krye të qeverisë, çfarë presim nga ata që ky i lë rrugëve’”, shkruan Paloka.
