Detaje të reja kanë dalë nga masakra e pasdites së djeshme ku u vranë tetë persona, teksa nga raportimi i vendngjarjes, një fqinj i të dy familjeve të vrara ka thënë:
“Ai e ka bërë nga papjekuria. Ka qenë i dënuar më parë për armëmbajtje pa leje, madje edhe është arrestuar nga Policia e qytetit Vlorë. Unë them që fajin e ka i ati i tij, sepse e dinte që mbante armë, e dinte që në shtëpi kishte kallashnikov dhe e kishte pa leje. Prandaj i ati nuk i ka sqaruar mirë problemet me vëllezërit e tij, e ndaj ka ardhur kjo ngjarje”, mësohet të ketë thënë fqinji i familjeve i cili i njihte mirë fisin Zykaj.
Ndërkohë në Policinë e Vlorës, momentalisht në gjendje kontrolli dhe paraburgimi po mbahet vrasësi Ritvan Zykaj, 24 vjeç, fqinjët e afërm të familjes, prindërit, si dhe të gjithë ata që kanë qenë në vendngjarje teksa kanë marrë njoftimin, dhe kanë dëgjuar të shtënat.
Përtej kësaj një tjetër detaj shumë tronditës ka dalë nga raportuesit në vendngjarje teksa pohojnë se rrobat e ndera në kopshtin e familjes së gjyshërve janë akoma aty. Madje disa prej tyre edhe të vrasësit, i cili dukshëm nuk është menduar dy herë pasi ka kryer krimin makabër.
/ALPENews.al
