Një ditë pas masakrës me 8 viktima, Bashkia e Selenicës ka nisur një mbledhje të jashtëzakonshme.
Paraditen e sotme, Këshilli Bashkiak është mbledhur jashtë rendit të planifikuar, në kushte të urgjencës.
Mësohet se do të vendoset akordimi i një fondi të posacëm që do të mbulojë shpenzimet e ceremonive të varrimit për 8 viktimat, pjesë e dy familjeve Zykaj, që u vranë mbrëmë nga kushëriri i tyre, Ritvan Zykaj.
Po ashtu, Bashkia do të vendosë për shpalljen e tre ditëve zije në nderim të viktimave të pafajshme.
