Nje histori dashurie mes shqiptarit dhe nje vajze nga Litenshtajni, kurorezuar ne martese, ka perfunduar tashme ne dyert e gjykates.
Gjykata duhet të vendoste dje për një martesë fiktive. Të pandehurit ishin një nënë, vajza e saj dhe ish burri i saj – duke u akuzuar se përmes martesës fiktive kishin mundësuar lejeqëndrimin e shqiptarit.
“Kur e pashë atë, rashe në dashuri me shikim të parë,” tha e pandehura dje (e mërkurë) përpara Gjykatës. Kjo deklaratë kaq romantike, më vone duhet të shqyrtohet për martesë fiktive.
Njohja në korrik 2014: E pandehura, një vajzë e re nga Lihtenshtajni, kalonte sëbashku me nënën e saj pushimet verore në Greqi, ku jetonte gjyshja e saj. Në hotel ajo njohu një kamarier shqiptar me të cilin filloi te kalonte natën dhe të shkonin së bashku në det. Aty i përjetoi edhe marrëdhëniet e para seksuale, përcjell albinfo.ch.
Në gusht ajo udhëtoi përsëri drejt Greqisë, ndërsa në nëntor shqiptari e vizitoi atë në shtetin e vogël. Dhe këtu erdhi oferta për martesë – “pa asnjë druajtje ai më pyeti mua, nëse do martohesha me të,” tha e pandehura.
“Ajo kërkonte që unë të vija drejt Lihtenshtajnit, dhe kjo ishte e qartë se ne do martoheshim,” kujton shqiptari, që e njohu vajzën në Greqi, ku punonte prej shumë vitesh. Për dëshmitarë ata morën nënën e vazjës dhe mikeshën e saj.
Një “po” pa puthje
Korrik 2015: Në Zyrën e Gjendjes Civile në Vaduz ndodhi përfundimisht kurorëzimi i çiftit. Pas asnjë kontakt fizik, bile pa asnjë puthje, ata u larguan nga zyra. Por ata kishin marrë unaza, të cilat nuk ishin të njëjta dhe nuk dihet nëse ishin blerë në Austri ose Zvicër.
Shkurorëzimi dhe ndryshimi i gjinisë
Shkurt 2016: E pandehura fillon një terapi te një psikologe. “Në rolin e bashkëshortes, kam kuptuar dhe menduar shpesh se me mua nuk shkon diçka,” thotë ajo, që tetë muaj më vonë fillon edhe trajtimin hormonal. Së fundi ka ndodhur edhe ndryshimi i emrit, në ndërkohë kishte përfunduar edhe transformimin trupor.
Me fillimin e trajtimit hormonal, burri i saj duheshte ti dërgonte një shishe venë: “I tregova atij, se fillova të transformohesha në burrë – të ndryshoj gjininë.” Me këtë ajo lëndoi atë – “ai u shokua”.
Marrëdhënia mes tyre u ftoh – vajza e re thotë se “kisha një dhimbje të madhe” por nuk mund ta detyronte “që ai të bëhej homoseksual”. (Bsf)
