Presidenti i Serbisë, Aleksandër Vucic ka mohuar të ketë një marrëveshje sekrete me homologun kosovar Hashim Thaçi për zgjidhjen e dialogut Kosovë- Serbi apo ndarje teritoresh.
Ai për TV Prva ka shtuar se me presidentin kosovar ka kohë që s’ka pasur diskutime serioze.
Vuçiq ka thënë se deklarimet e Kurtit janë “teori absurde konspirative” dhe e sheh si pjesë të luftës së kreut të Lëvizjes Vetëvendosje me presidentin Thaçi.
I pari i serbëve ka thënë se aktualisht nuk ka kurrfarë bisedime me Kosovën dhe se shpreson që në Prishtinë të jetë dikush me të cilin do të mund të bisedohet.
