Zbardhet versioni i parë i dokumentit të propozuar fillimisht për marrëveshjen Kosovë-Serbi në Uashington, por që më pas u ndryshua për shkak se nuk u pranua nga pala kosovare, e cila ishte gati të prishë koalicionin qeverisës.
Dokumenti i siguruar nga RTV Dukagjini rrezikonte komplet marrëveshjen, jo vetëm koalicionin me qeverinë.
“Të dyja palët do të pajtohen të punojnë me Departamentin amerikan të Energjisë dhe subjektet e tjera të Qeverisë amerikane në një studim fizibiliteti, me qëllim të përdorimit të përbashkët të Liqenit të Gazivodës/Ujmanit, si furnizues i sigurt i ujit dhe energjisë. Të dyja palët do të shumëfishojnë burimet e tyre të energjisë”, thuhet në njërën nga 16 pikat e marrëveshjes.
Në versionin e parë shkruhej që të dy palët ndajnë Liqenin e Ujmanit/Gazivodes për furnizim me ujë dhe energji. Kjo ka sjellë reagime të menjëhershme nga rradhët e Kosovës dhe një prej tyre ka qenë edhe kreu i AAK-së, Ramush Haradinaj.
Kjo pikë më pas është ndryshuar, duke u zëvendësuar me studimin e fizibilitetit nga Departamenti për Energji i SHBA-ve.
