Rusia ngriti dyshime për legjitimitetin e ndryshimit të emrit të ish-Republikës Jugosllave të Maqedonisë.
Ministri i Jashtëm, Sergei Lavrov, tha gjatë një konference për mediat në Moskë, se Rusia nuk është kundër ndryshimit të emrit dhe as bisedimeve ndërmjet Greqisë dhe Maqedonisë.
Ai akuzoi Shtetet e Bashkuara se po kërkojnë anëtarësimin në NATO të të gjithë vendeve të Ballkanit Perëndimor, ndërkohë e quajti politikën e NATO-s në Ballkan të vjetruar me ‘mentalitet të shekullit të kalur’.
“Deri në çfarë mase marrëveshja për emrin e Maqedonisë është rezultat i përpjekjeve të dy vendeve dhe popujve për të gjetur një zgjidhje kompromisi? Dhe deri në çfarë mase, është rezultat i përpjekjeve të SHBA-së që të gjitha vendet e Ballkanit të hyjnë në NATO sa më parë për të ndaluar çfarëdo ndikimi i Rusisë në rajon.”
Sipas Lavrov, për emrin e Maqedonisë nuk u vendos në nivelin që e kërkon Kushtetuta e Maqedonisë.
Moska ka folur vazhdimisht zhvillimet në rajon, që kur parlamenti i Maqedonisë miratoi të premten e kaluar amendamentet për ndryshimin e Kushtetutës e rrjedhimit emrin e vendit në Republika e Maqedonisë së Veriut.
Në prag të vizitës së tij në Beograd, presidenti rus Vladimir Putin i tha gazetës ‘Vecernje Novosti’ se Marrëveshja e Prespës është një plan i ShBA-së dhe i Perëndimit për të rritur ndikimin në Ballkan.
