Të tjera detaje dalin në dritë nga vrasja monstruoze në Itali, ku një marokene u gjet e masakruar, krim për të cilin u arrestuan dy shqiptar, daja dhe nipi.
***
Mediat italiane raportojnë se Khadija Bencheickh se ka dyshime që 46 vjeçarja u vra në gjumë natën e 29 dhjetorit në banesën e saj në Verona, ku jetonte bashkë me 51-vjeçarin Agim Ajdinaj.
Lisand Ruzhdija, 27 vjeç
Shqiptari nga Patosi akuzohet se vrau bashkëjetuesen e tij, duke e prerë me sharrë, ndërsa si bashkëpunëtor i tij dyshohet se ka qenë nipi i tij, Lisand Ruzhdija, 27 vjeç, i cili mendohet se ka copëtuar e trupin e markoneses.
Pas disa ditësh trupi i saj u gjet në fshatin ‘Valeggio’.
‘Larena.it’ shkruan se ditën e nesërme priten që dy shqiptarët të dalin para togave të zeza.
Khadija Bencheickh, 46 vjeç (Viktima)
Mediat italiane raportojnë se i riu studionte në Universitetin e Romës, ndërsa ishte adhurues i arteve marciale.
Sakaq, gjykata ka urdhëruar sekuestrimin e banesës ku jetonte çifti dhe garazhit, ku do të bëhen analizat për të zbardhur detaje nga ngjarja.
Marokenia jetonte prej 20 vitesh në Verona, ndërsa punonte si kujdestare por edhe pastruese sipas rastit.
Agim Ajdinaj, nga Patosi, ishte bashkëjetuesi i saj prej 1 viti pasi marokenia ishte ndarë nga burri i saj prej 9 vitesh.
Pamje nga ngjarja
Ndërkohë, ngjarja po hetohet në pistën e mosmarrëveshjeve në çift mes 51-vjeçarit dhe viktimës.
