Kuvendi i Maqedonisë ka miratuar ligjin për gjuhën shqipe me 62 vota pro, ndërsa opozita nuk ka votuar, madje situata ka qenë mjaft e tensionuar, pasi ish-kryeministri Nikolla Gruevski ka tentuar të godasë kryetarin e parlamentit Talat Xhaferin.
E ndërsa jashtë Kuvendit kishte protesta, në momentin që kryetari i Parlamentit Talat Xhaferi propozoi që të votohet ligji për gjuhën shqipe, deputetët e VMRO DPMNE-së u ngritë për të bllokuar foltoren dhe për të bllokuar procesin.
Ish-kryeministri Nikolla Gruevski u ngjit dhe u drejtua për te vendi i kryetarit të Kuvendit, ndërsa pati edhe një përplasje të vogël, kur Xhaferi i largoi dorën Gruevskit. Gruevski u largua për një çast, ndërsa më pas u kthye sërish, duke u përballur sërish me Xhaferin, por më pas ndërhynë deputetët e tjerë të Kuvendit.
